(१) संस्थाले लघु कर्जा प्रवाह गर्दा हुने संभावित हानी नोक्सानी व्यहोर्ने प्रयोजनको लागि जोखिम व्यहोर्न कोष खडा गर्न प्रत्येक आर्थिक वर्षको अन्तिम दिनसम्म लगानीमा रहिरहेको वांकी कुल कर्जालाई भाखा ननाघेको र भाखा नाघेको अवधिको आधारमा चार प्रकारले वर्गिकरण गरी भाखा नाघेको कर्जाको लागि जोखिम व्यहोर्ने कोष खडा गर्नु पर्नेछ ।
(२) उप नियम (१) बमोजिम वर्गीकरण गर्दा भाखा ननाघेकोलाई असुल कर्जा ६ महिनासम्म भाखा नाघेकोलाई कमसल कर्जा ६ महिनाभन्दा बढी १ वर्षसम्म भाखा नाघेकोलाई शंकास्पद कर्जा र १ वर्षभन्दा बढी भाखा नाघेकोलाई खराव कर्जाको रुपमा वर्गीकरण गर्नु पर्नेछ ।
(३) संस्थाले कितावन्दीमा असुल उपर हुनेगरी प्रवाह गरेको कर्जालाई प्रत्येक किस्ताको भाखा ननाघेको र भाखा नाघेको अवधिको आधारमा उपनियम (२) बमोजिम वर्गीकरण गर्नु पर्नेछ ।
तर किस्तावन्दीमा असुल हुने गरी कुनै क्रणीलाई प्रवाह गरेको कर्जाको कुनै एउटा किस्ताको १ वर्षभन्दा बढी भाखा नाघेमा सो क्रणीको नाउंमा रहेको सम्पूर्ण कर्जालाई खराव कर्जाको रुपमा वर्गीकरण गर्नु पर्नेछ ।
(४) असल कर्जाको लागि जोखिम व्यहोर्ने कोष व्यवस्था गर्नु पर्नेछैन । कमसल कर्जाको दश प्रतिशत, संकास्पद कर्जाको पचास प्रतिशत र खराव कर्जाको शत प्रतिशतका दरले जोखिम व्यहोर्ने कोष व्यवस्था गर्नु पर्नेछ ।